Францускиот гигант ПСЖ е сериозен во намерата да го донесе Лионел Меси во своите редови. Клубот од француската престолнина нема да жали пари за аргентинскиот фудбалер кој има договор со Барселона до 2018 година.
Спортскиот директор на клубот, Патрик Клајверт, имал разговори со Хорхе Меси, таткото на Лео, за да му ги каже ставовите на ПСЖ околу трансферот на фудбалерот. Се очекува во наредните седмици контактите да продолжат и двете страни да почнат да ги усогласуваат деталите.
Претходно шпанските медиуми открија дека Меси одбил да потпише нов договор со Барселона, па дури размислувал дали воопшто да почне преговори за тоа поради тоа што тој и неговиот татко често се на тапет на шпанските власти околу затајување анок.
Подоцна од Барса потврдија дека преговорите се „замрзнати“ меѓутоа очекуваат истите да започнат на пролет. Меѓутоа може и да не се случи тоа и Меси да замине во друга насока.
Покрај ПСЖ за Меси е заинтересиран и Манчестер сити. Во случај трансферот да се оствари тоа би бил рекорд во светот на фудбалот со оглед на тоа дека Меси има висока откупна клаузула со Барса.