Кинеските газди на некогашниот италијански првак Милан започнаа да составуваат листа на играчи кои би сакале да ги видат во дресот на „росонерите“. Силвио Берлускони го продаде клубот на кинески инвеститори, кои најавија враќање на клубот на победнички патеки. Тие сакаат да состават тим кој ќе биде конкурентен и за титулата.
Прва цел на тимот од „Сан Сиро“ ќе биде Един Џеко. Босанскиот репрезентативец го носи дресот на Рома, а сезонава игра во одлична форма. Џеко е прв стрелец во лигата со 12 погодоци.
Моментно прва опција во нападот на Милан е Карлос Бака, но тие не се задоволни од неговите игри и планот е да го продадат по завршување на сезоната.