Шпанскиот репрезентативен напаѓач, Диего Коста е на мета на италијанскиот калчолигаш Интер. „Нераѕурите“ најавија офанзива во јануарскиот преоден рок, а еден од главните мети е голгетерот на Челзи.
На Интер сезонава не му оди според планираното. По 14 меча, тимот има само шест победи, три реми и пет порази, пто е доволно за осмото место на табелата. Заостанува дури 12 бода зад лидерот Јувентус и речиси е без шанса во трката за титулата.
Токму затоа челниците на клубот нема да жалат пари во јануарскиот преоден рок да доведат едно квалитетно засилување во офанзивниот ред.