Еден од најдобрите играчи на есенскиот првак оваа полусезона е на добар пат да потпише со тимот кој „граби“ кон пласман во „елитата“. Понудата е вредна 100.000 евра.
Италијанска Верона е во потрага на голман, а според наши информации, изборот паднал на моменталниот чувар на мрежата на Вардар, Филип Гачевски. Првиот голман на првакот е многу блиску да се пресели во италијанскиот член на Серија „Б“ кој во моментов е на челната позиција, и „граби“ кон „елитата“.
Гачевски оваа сезона стана прв голман на „црвено-црните“, доби репрезентативен повик, а веќе некое време трае „скенирањето“ од страна на италијанскиот тим кој во следните неколку денови ќе испрати официјална понуда до Вардар, а таа би изнесувала најмалку 100.000 евра. Гачевски има договор со Вардар до јуни 2018 година, а веќе една и пол година е дел од првакот откако летото 2015 година дојде од Брегалница.