Скопје, 7 декември 2016 (МИА) - Во фудбалскиот куп на Македонија, денеска ќе се играат реванш натпреварите од четвртфиналната рунда.
Најблиску до пласман во полуфиналето е шампионот Вардар кој во дуелот со второлигашот Металург реванш натпреварот ќе го започне со предност од 4:1, остварена на првиот меч.
Со минимална предност од 1:0 на гостувањето во Кратово кај Силекс ќе почнат и фудбалерите на Пелистер.
Најголема неизвесност се очекува да има на мечот во Тетово, каде Шкандија и Шкупи ќе стартуваат со 0:0.
Во последниот меч ќе играат Брегалница и Победа екипи кои првиот меѓусебен натпревар го завршија без победник 2:2.
Сите натпревари ќе започнат во терминот од 13 часот.