Шпанскиот гигант Барселона објави дека стави крај на делото во кое Нејмар е обвинет за измама. Шпанското обвинителство побара двегодини затворска казна и глоба од 10 милиони евра за бразилската ѕвезда поради учество во корупциска шема при трансферот од Сантос во Барса во 2013 година. Првично беше објавено дека сумата за трансфер е 57,1 милиони евра, но подоцна стана јасно дека истата е повисока.
Од редовите на каталонскиот клуб соопштија дека се договориле со обвинителството да платат 5,5 милиони евра за два даночни прекршока, поврзани со трансферот.
Најинтересно во целиот случај е што обвинителството побара две години затвор и глоба. Според многумина тоа е добро смислена шема затоа што според шпанските закони секоја пресуда до две години затвор може да биде заменета со условен затвор, ако осуденото лице не извршило други криминални дела.
Во јули 2016 година Лео Меси беше осуден на 21 месец затвор за прикривање данок што повторно се дојде до критичниот праг од две години. Во 2015 година Маскерано беше осуден на една година затвор за данок. Затворските казните беа заменети со условни.