Бразилскиот напаѓач Адријано беше специјален гостин на Интер на мечот со Лацио во рамките на 18. коло во Серија А.
„Императорот“, прекарот кој го доби додека играше за Интер, пред мечот доби подарок од своите поранешените работодавци.
„Долго време немам дојдено на Сан Сиро. Оваа година решив да го посетам клубот во кој имав убави моменти и кој секогаш ме поддржуваше дури и во тешките моменти. Веднаш штом влегов на стадионот ме полазија морници. Атмосферата навистина е неверојатна. Навивачите се прекрасни. Се е прекрасно. Го сакам овој клуб“, изјави Адријано кој настапуваше за Интер од 2001 до 2009 година.