На барање на тренерот Антонио Конте, Челзи го врати младиот фудбалер Нејтан Аке, кој досега играше како позајмен во Борнмут. „Сините“ го искористија правото да го вратат 21-годишниот бек и тие го искористија затоа што сметаат дека ќе им биде корисен во продолжение на сезоната во Премиер лигата. Аке во дресот на Борнмут запиша 12 натпревари и постигна три гола, а заемот му беше до крајот на сезоната.
Аке е Холанѓанец роден во Хаг, а во Челзи пристигна од младинската школа на Феенорд во 2011 година. Првиот меч за Челзи го одигра во октомври 2014 година во Лигата на шампионите против Марибор. Потоа беше позајмуван во Ридинг, Вотфорд, Борнмут и сега ќе добие шанса да избори место во првиот тим на Челзи.