Одбранбениот играч Лоран Кошчелни, играчот за врска Франсес Кокелин и напаѓачот Оливие Жиру ги продолжија договорите со Арсенал. Француските фудбалери се обврзаа на долгорочна соработка со лондонскиот клуб.
25-годишниот Кокелин се разви во стандарден првотимец по враќањето од позајмицата во Чарлтон во декември 2014 година, 30-годишниот Жиру дава дополнителна стабилност на тимот во нападот, а најстариот од тројцата, Кошчелни, е еден од најквалитетните дефанзивци во светот. Тој беше интересен за Баерн минатото лето, но Арсенал не го пушти во Минхен.
„Среќни сме што тројца важни играчи на нашиот тим потпишаа долгорочни договори“, изјави Венгер.
Кошчиелни на социјалните мрежи се пофали со договорот со Арсенал до 2020 година.