Екипата на Севиља синоќа го победи Реал Мадрид со 2:1 и му го нанесе првиот пораз на кралскиот куп по 40 натпревари. До триумфот домаќините дојдоа со пресврт во последните минути, откако Реал прв поведе преку Роналдо од пенал во 67.минута.
Севиља најпрво изедначи со автоголот на Серхио Рамос во 85.минута, а засилувањето од Интер во зимскиот преоден рок, Црногорецот Стеван Јоветиќ погоди во првата минута од судиското надополнување за нова победа на својот клуб. Црногорецот против Реал Мадрид реализираше и пред шест дена во натпревар од шпанскиот куп.
Со освоените три бода Севиља се искачи на второто место на табелата со 39 бода, само еден помалку од лидерот Реал кој има 40. Барселона е на третото место со 38 бода.
Реал Мадрид има натпревар помалку, оној против Валенсија кој беше одложен поради учество на мадридскиот клуб на Светското клупско првенство во Јапонија.