Виктор Ангелов зимава ќе паузира. Ја направи неопходната операција на препоните, и сега следува рехабилитационен период.
Нашиот млад репрезентативец се реши на ваков потег затоа што проблемите со повредата веќе беа сериозни.
„Подолг период бев со болки. Не можев ниту да трчам како што треба, ниту да шутнам. Ја направив операцијата и еве сега само што пристигнав во Будимпешта. Ќе разговарам со клубот каде е најдобро да ја направам рехабилитацијата, дали во клубот или пак на некое друго место. Ќе видиме. Едно е јасно, паузата ќе трае од четири до шест недели максимум, а тоа значи дека ќе се вратам некаде на крајот на февруари“ - вели Ангелов.