Се остварија најавите на „Македонски спорт“, откако Шкендија потврди дека хрватскиот дефанзивец Иван Челиковиќ е новото засилување на тимот.
Ова е несомнено најголемото засилување на тетовци во зимскиот преоден рок, и Челиковиќ ќе треба да ја зацврсти одбраната на „црвено-црните“. 27-годишниот фудбалер доаѓа во Македонија од тимот на Интер Запрешиќ.
„Првите впечатоци се навистина добри и добив добар пречек од сите, вклучувајќи го тренерот. Доаѓам во Шкендија да ја освоиме титулата и знам дека навивачите се најсилниот адут на тимот. Тоа мотивира многу“, изјави Челиковиќ.