Камерунскиот напаѓач Самуел Ето играше за многу клубови, живееше на многу места меѓутоа годините поминати во Русија ги смета како најубави во кариерата. Ето играше за Реал Мадрид, Леганес, Мајорка, Барселона, Интер, Челзи, Евертон, Сампдорија, а сега е член на Анталија. Но од 2011 до 2013 година играше за Анжи Махачкала од Дагестан и беше најплатен фудбалер на светот. А Камерунецот открива дека во тој клуб се чувствувал среќен, но не поради парите, туку поради односот со навивачите.
„Во Дагестан бев насреќен. Таму не бев ѕвезда, туку пријател на навивачите. Толку добро живеев со нив што дури се почувствував како дагестанец. Таму нема новинари кои плукаат по играчите и да шират лаги. Едноставно се чувствував слободен“, вели Ето.
Меѓутоа среќните денови во Анжи завршија кога клубот почна финансиски да пропаѓа, а Ето од таму премина во Интер.