Сопствениците на Лестер му порачале на менаџерот на Лестер Клаудио Раниери три натпревари да ги поправи резултатите или во спротивно ќе почнат да бараат негова замена. Италијанецот треба да покаже дека може да ги крене шампионите, кои се најдоа во опасност да испаднат од Премиер лигата. „Лисиците“ во моментов се на два бода од опасната зона, а тимот освои само еден бод во 2017 година.
Според „Дејли меил“ иднината на Раниери ќе зависи од резултатите на мечевите со Дерби каунти (ФА Куп), Свонси (Премиер лига) и Севиља (Лига на шампиони).
Раниери пред два дена ги демантираше информациите дека играчите му завртеле грб и дека работи на подигнување на формата и излез од кризата. Останува да видиме колку добро си ја одработиле задачата.