До 3 март Милан треба да добие нов сопственик затоа што се очекува кинескиот конзорциум Сино-Европа спортс да го превземе сопствеништвото од Силвио Берлускони и неговиот Фининвест. Со новите сопственици доаѓаат и промени, пред се во раководните структури каде за извршен директор треба да биде поставен Марко Фасоне, а за спортски директор Масимо Мирабели. Според Газета дело Спорт двајцата веќе размислуваат за смена на Винченцо Монтела и доаѓање на Роберто Манчини.
Општ впечаток е дека Монтела одлично работи во Милано и покрај лимитираната екипа, сепак, Фасоне и Мирабели се сомневаат дека тој може да направи чекор напред. Меѓутоа нивниот интерес за Манчини е некако логичен поради тоа што тројцата претходно работеа во Интер. Манчини на „нероаѕурите“ и им донесе дури три титули во Серија А.