Шкендија прими осум гола на пријателскиот меч против ЦСКА Софија
Шкендија прими осум гола на „генералката“ во Софија против домашниот тим на ЦСКА. Невиден срам за македонскиот тим кој прими шест гола за петнаесетина минути во првиот дел, а конечниот резултат гласи 8:1. А се почна добро за тетовци откако Ибраими погоди во 16. минута за 0:1, а потоа до крајот на полувремето резултатот гласеше 7:1!?
Иако се работи само за пријателски меч во кој и двата тим комбинираа со составите сепак, реални ниту еден сериозен тим не смее да си дозволи да прими голем број на погодоци, па и во каков состав и да излезе на теренот.
Откако домаќинот виде дека ќе се случи вистинска катастрофа, во вториот дел застана што се вели и постигна само уште еден гол. За ЦСКА на овој меч во листата на стрелците се изредија, Перес, Руи Педро, Меркадо, Долгеров, Десподов...