Тренерот на ПСЖ Унаи Емери изјави дека е убаво чувството да се победи Барселона, но вели дека неговиот тим мора да ја одржи максимална концентрација и да биде внимателен во вториот натпревар од нокаут фаза во Лигата на шампионите.
- Голема мотивација е да се игра против Барселона, но, исто така, и отежнувачка околност. Високата победата и начинот на кој игравме остави добар вкус во устата, но мора да се биде внимателен, затоа што треба да играат уште 90 минути, рече Емери .
ПСЖ синоќа во Париз со 4:0 ја победи Барселона во првиот натпревар од 1/8финалето на ЛШ.
- Ние ги надигравме, атака ќе настојуваме да се прикажеме и во Барселона. Јас сум многу претпазлив кога станува збор за возвратниот меч, додаде Емери.
Ова за него беше само втора победа во 24-те натпревари со Барселона. Поранешен тренер на Севиља и Валенсија заслугите за триумфот ги препиша на неговите фудбалери.
- Кога победиме, ние тоа го правиме сите заедно, а истото важи и кога губиме. Синоќешниот натпревар беше одличен и на индивидуален и на колективен план, потенцира предводникот на францускиот првак.