Барселона е понижена во Париз. Четири примени гола и ниту еден даден ја отсликува немоќта на тимот, а против ПСЖ делуваа како вистински аматери. По катастрофалното издание на Паркот на принцовите Барселона се најде во позиција на рана елиминација. А на тренерот Луис Енрике, ако не се случи чудо на реваншот на 8 март, деновите во Барса му се избројани, а може и да не го дочека крајот на сезоната. Причина е што во првенството не му оди, тимот веќе ја загуби синергијата, цврстината, што резултира со збогување со титулата во Примера и, веројатно, од Лигата на шампионите. На астуриецот му пресуди еден од најгорките порази во историјата на Барселона.
А по мечот Енрике пред камерите го покажа другото лице. Почна со анализа на мечот па потоа почна со дрско и безобразно одговарање на прашањата на новинарот на каталонската ТВ3.
„Изгледа Вие не го гледавте натпреварот, затоа што ја променивме тактиката. Од 4-3-3 преминавме на 4-2-3-1 за да ги спречиме нивните клучни играчи, а истовремено да му овозможиме на Меси повеќе влегувања во шеснаесетникот, да биде послободен. Можевме да играме и во формација ’елка’ повторно ќе се случеше истото“, рече тренерот на Барса.
„Сега очигледно ќе барате виновник? Епа тој стои пред тебе. Јас сум виновникот. Мене напаѓајте ме, а не фудбалерите. Но, кога ме напаѓате по вакви порази, известувајте исто и кога ќе победиме. Дали сум и ја заслужен за победи или само за порази“, збесна Енрике.
Меѓутоа, вистинска драма се случила откако се изгасиле камерите. Новинарката Сузана Гвеш од телевизиската станица Мега, која се вклучила непосредно по овој инцидент.
„Најинтересното не го видовте, а се случи по интервјуто. Тројца луѓе го држеа Енрике да не го удри мојот колега. Му ги турна хартиите од рака и викаше: ’Ти реков да не ме допираш’. Да видам дали вака ќе известуваш кога ќе почнеме да победуваме“, вели Сузана.