Манчестер Јунајтед го слави Златан Ибрахимовиќ. Благодарение на неговите голови „Црвените ѓаволи“ славеа со 3:0 против Сент Етјен во првиот меч од шеснаесетфиналето во Лига Европа и си ја подотвори вратата за влез во наредната фаза. Мечот беше во центарот на вниманието поради дуелот на браќата Пол и Флорентин Погба, меѓутоа нивниот настап го засени Ибрахимовиќ кој со трите голови ги сврте објективите на камерите кон себе.
Во 15 минута Швеѓанецот сам се избори за слободен удар од 18-тина метри. Шутираше силно но топката закачи некој од противничките дефанзивци и се истркала во голот. Ибра даде гол на почетокот на второто полувреме кој со право беше поништен поради офсајд. Но затоа неговиот гол во 75 минута беше чист како солза. Прво Рашфорд направи соло-продор и биеше од страна, а голманот Руфие ја одби топката до Ибрахимовиќ кој непречен од никого ја спроведе во голот. Во финишот на мечот шведскиот ас изнуди удар од белата точка кој потоа го реализира заокружувајќи хет-трик и вкупно 23. гола во првата сезона во дресот на Манчестер јунајтед. Исто така е интересно што шведскиот ас против Сент Етјен постигнал 17 гола во 14 дуели.