Рим, 21 февруари 2017 (МИА) – Тренерот на Рома, Лучиано Спалети е подготвен да го продолжи договорот кој му истекува на крајот на сезоната, но под услов фудбалерите да обезбедат директен пласман во Лигата на шампионите.
- Актуелниот договор ми истекува на крајот на сезоната, но тоа не е важно. Сега најважен е тимот, а ако завршиме на втората позиција за три секунди ќе ставам потпис на нов договор, но ако бидеме под тоа, едноставно морам да си одам, потенцира Спалети.
Под негово водство „римската волчица“ игра добро. Минатиот викенд беше победен Торино со 4:1 и со новите три бода, Рома го задржа чекорот со лидерот на табелата Јувентус. По 25.коло во Серија А Јувентус има 63 бода, Рома 56, Наполи 54 и ова се трите екипи кои имаат најголеми шанси за освојување на првите две места кои обезбедуваат директен пласман во Лигата на шампионите следната сезона.