Тренерот на Баерн Минхен, Карло Анчелоти, беше казнет само парично, со 5000 евра од страна на Дисциплинската комисија на Германската фудбалска федерација поради покажаниот среден прст кон навивачите на Херта за време на меѓусебниот дуел во саботата. Баерн одигра 1:1 во Берлин, а бодот го освои со голот на Роберт Левандовски во шестата минута од судиското продолжение. По тој гол дојде до кошкање меѓу играчите, а и домашните навивачи полудеа.
„Во суштина тоа беше нормална реакција на Карло Анчелоти, а неговиот гест емотивно разумен по плукањето од страна на домашните фанови“, соопштија од Баерн.
Анчелоти прифати да плати 5000 евра, а парите ги испрати во фондацијата на Сојузот за социјална работа. Италијанецот ќе може да го води тимот уште на следниот меч.