Шампионот на Англија, Лестер по серијата слаби резултати синоќа го отпушти менаџерот Клаудио Раниери.
Лестер е на 17. место на табелата со 21 бод или само еден повеќе од Хал (20), кој е во зоната за испаѓање. До крајот на Премиер лигата преостануваат да се одиграат уште 13 натпревари.
Отказот за Раниери стигна откако во средата Лестер загуби во првиот осминафинале натпревар од Лигата на шампионите на гости кај Севиља (2:1). Лестер се уште има активен резултат, а реваншот го игра на домашен терен.
Одлуката за отказ е изненадувачка особено што пред еден месец Раниери доби поддршка од управата на клубот. Италијанскиот тренер пред само девет месеци со Лестер направи сензација и ја освои титулата во Премиер лигата.
Лестер во следното коло од Премиер лигата во понеделник игра на домашен терен против Ливерпул.