Златан Ибрахимовиќ се очекува да добие шестоцифрен бонус откако ја помина границата од 20 погодоци сезонава, во дресот на Манчестер Јунајтед. Искусниот 35-годишен напаѓач е најдобар стрелец на „црвените ѓаволи“. Досега даде 24 погодоци во 37 средби.
Ибра дојде на „Олд Трафорд“ на почетокот на сезонава и потпиша едногодишен договор. Неделната плата му е 300.000 фунти, но сега ќе заработи и дополнителен бонус, благодарение на головите кои ги дава.
Доколку стане и најдобар стрелец во Премиерлигата за оваа сезона, ќе го очекува нов уште поголем бонус. Златан дојде како слободен играч во Манчестер, а челниците на клубот се подготвени да му поуудат уште едногодишна соработка. Засега шведскиот репрезентативец уште нема решено дали ќе ја прифати понудата за останување уште една година во дресот на најтрофејниот англиски клуб.