Фернандо Торес изгуби свест за време на натпреварот помеѓу Депортиво и Атлетико Мадрид, но неговите соиграчи му го спасија животот. Најпрво тој се удри со Алекс Бергантинос од спротивниот тим и веднаш изгуби свест. За среќа, Шиме Врсаљко веднаш изреагира, го сврти на страна и му ги извади јазикот, со цел да не се задуши. Во прашање беа само неколку секунди во кои мораше брзо да се реагира.
- Неверојатно е како Врсаљко и капитенот на Атлетико, Габи, реагираа во тој шокантен момент. Шиме заврши одлична работа, изјавил лекарот на Депортиво, кој прв од медицинската екипа дотрча до Торес.
Реакциите на останатите фудбалери и публиката беа запрепастувачки. Сите беа исплашени за животот на овој популарен фудбалер. Потоа откако сфатија дека тој е добро, ги нарекоа херои! Торес е во болница и е свесен, иако ќе подлегне на некои дополнителни тестирања, тој е надвор од животна опасност.
Алекс, играчот кој го удри, веднаш по завршувањето на натпреварот го посети Торес во болница, заедно со својот тренер.
- Се удривме незгодно. Се молев да се разбуди што е можно побрзо. Многу сум среќен што се стабилизира, изјавил Алекс.
Торес, ги осигура и своите фанови дека е добро, па твитна од болницата: Ви благодарам на сите на поддршката. Се надевам дека брзо ќе се вратам на терен.
Одличните вести се дека играчот нема трауми на мозокот и дека е во стабилна состојба.