Првпат во тренерската кариера Пеп Гвардиола не пројде четвртфиналет во Лигата на шампионите откако неговиот Манчестер сити испадна во дуелот со Монако.
Шпанецот е бесен на тоа и подготвува реновирање на тимот по своја мерка за наредната сезона, пишуваат англиските медиуми. Тоа значи дека Пеп ќе се ослободи од дури 18 скапоплатени фудбалери, а кои не му се потребни во тимот. Дел од нив моментално се на позајмица, а на некои им истекува договорот на крајот на сезоната.
Веројатно Сити за следната сезона нема да смета на услугите на Јаја Туре, Гаел Клиши, Пабло Забалета, Вили Кабаљеро, Хесус Навас, Бакари Сања, Тосин Адарабијо чии договори нема да бидат продолжени, а Џо Харт, Елаким Мангала, Самир Насри, Вилфред Бони и Џејсон Денајер кои моментално се на позајмица.
На излезна врата се Серхио Агуеро, Венсан Компани, Александар Коларов, Фабијан Делф, Фернандо и Ихеначо.
Гвардиола ќе има околу 150 милиони евра за купување на играчи во летниот преоден рок.