Победата против Валенсија со 4:2 за Барселона означи 28 кола во шпанското првенство без примен гол од пенал и исклучен фудбалер што се случува првпат по сезоната 1970/71. Последниот црвен картон го добил Хавиер Маскерано во октомври 2015 година на мечот со Еибар, апоследниот пенал против нив бил на 14 февруари 2016 година на мечот против Селта, а прецизно го извел Гуидети.
Во досегашниот дел од сезоната во Примера фудбалерите на Барселона заработиле вкупно 46 жолти картони но ниту црвен. Бранителот на титулата моментално е на второто место на табелата во шпанската елита со два бода помалку од Реал Мадрид кој има и меч помалку. „Каталонците“ се и најефикасната екипа во Шпанија со 81 даден гол и трета најдобра дефанзива со примени 25 голови.