Македонската фудбалска репрезентација составена од играчи од генерацијата 1996/97 ги продолжува подготовките за пријателскиот натпревар против Црна Гора.
Фудбалерот на Работнички Елиф Елмаз вели дека натпреварот против Црногорците е вистински тест за новата генерација фудбалери до 21 година.
- За секој фудбалер е радост што има можност да биде дел од националната селекција, апсолутно не чувствуваме притисок, напротив. За нас е привилегија што сме избрани во составот на Македонија и даваме се од себе да ја оправдаме довербата. Го знаеме начинот на работа во селекцијата, сериозно ги сфаќаме задачите кои ги контролира стручниот тим и мислам дека тоа е правилен пристап. Ова е нова генерација, но имаме квалитет за нови големи резултати. Се надевам на добра игра против Црна Гора, изјави Елмаз.
Средбата Македонија – Црна Гора ќе се игра утре од 14 часот на комплексот „Петар Милошевски“ во Скопје.