Тренерот на Реал Мадрид, Зинедин Зидан побара од раководството на клубот да го продаде Хамес Родригез по завршувањето на сезоната.
Зидан не сака незадоволни фудбалери во тимот, а Родригез е еден од нив, бидејќи најчесто е на клупата за резервни играчи.
Францускиот стручњак нема ништо против Родригез да му се понуди на Челзи плус финансиски средства во замена за Еден Азар.
Родригез по одличните партии прикажани на Светското првенство во Бразил во 2014 година дојде како големо засилување од Монако за 80 милиони евра, но не ги оправда вложени средства.
Како можен нов клуб на Родригез се споменуваат и имињата на Пари Сен Жермен, Манчестер Јунајтед, Арсенал и Интер.