Лондон, 11 април 2017 (МИА) – Арсенал претрпе нов пораз, осми оваа сезона во Премиер лигата, откако синоќа на гостувањето кај Кристал Палас загуби со 3-0.
Новото непријатно изненадување за „топџиите“ го најави Андрос Таунсенд со голот во 17.минута. Во вториот дел домаќините постигнаа уште два гола за само пет минути. Французинот, Јохан Кабаје во 63.минута зголеми на 2-0, а Србинот, Лука Миливојевиќ во 68.минута од пенал го постави конечниот резултат.
По убедлив пораз тимот на Арсенал е се подалеку од место кое носи пласман во Лигата на шампионите следната сезона.
На претходно одиграните натпревари од 32.коло во Премиер лигата беа постигнати следниве резултати:
Тотенхем – Ватфорд 4-0,
Стоук – Ливерпул 1-2,
Вест Хем – Свонси 1-0,
ВБА – Саутемптон 0-1,
Мидлсборо – Барнли 0-0,
Манчестер Сити – Хал 3-1,
Бурнемут – Челзи 1-3,
Сандерленд – Манчестер Јунајтед 0-3 и
Евертон – Лестер 4-2.
Табела: Челзи 75 бода, Тотенхем 68, Ливерпул 63, Манчестер Сити 61, Манчестер Јунајтед 57, Арсенал 54, Евертон 54,...