Милан во последните секунди од мечот се спасуваше во „Дерби дела мадонина“, за да извлече 2:2 реми со вечните градски ривали Интер.
Кристијан Запата со голот на крајот на натпреварот го комплетираше кам-бекот на Милан од 2:0 негатива, со што „црвено-црните“ останаа маргинално пред „сино-црните“ на табелата од Серија А - со два поени повеќе на шестото место, додека Интер се седми.
Антонио Кандрева и Мауро Икарди постигна голови во првото полувреме за Интер да изгледа како сигурен победник во дербито, но Алесио Ромањоли во 83-тата минута притисокот пред голот на „домаќините“ го претвори во гол.
Двата тима имаат само теоретски шанси за пласман во Лигата на шампионите и најверојатно ќе се борат за место во Лигата на Европа. Интересно, двата тима имаат нови кинески сопственици кои ветуваат дека со големи инвестиции ќе го вратат престижот кој го носи славната историја на гигантите од Милано.