Тимовите кои се борат за шампионската титула во Англија, Челзи и Тотенхем очекувано имаат најмногу претставници, по четири, во Идеалниот тим на сезоната, избран од Асоцијацијата на професионални фудбалери во Англија. Ливерпул, Манчестер јунајтед и Евертон даваат по еден играч во тој тим. Интересно е што Златан Ибрахимовиќ и Алексис Санчез кои се меѓу номинираните за наградата Фудбалер на сезоната ги нема во идеалните 11.
Швеѓанецот има извонредна дебитантска сезона во Премиер лигата и веќе има 17 гола во 28 настапи за „Црвените ѓаволи“, а Санчез за Арсенал има еден гол повеќе.
Претставник на Манчестер јунајтед е голманот Давид де Геа, а нема ниту еден фудбалер на Арсенал.
Ромелу Лукаку поради фантастичните настапи и 24 погодоци во елитната англиска лига за Евертон се најде во нападот како партнер на Хари Кејн од „Спарси“.
ИДЕАЛНИОТ ТИМ
Голман: Давид де Геа (Ман.Јунајтед)
Одбрана: Кајл Вокер (Тотенхем), Давид Луис (Челзи), Гери Кејхил (Челзи), Дани Роуз (Тотенхем)
Среден ред: Деле Али (Тотенхем), Еден Азар (Челзи), Н’Голо Канте (Челзи), Садио Мане (Ливерпул)
Напад: Хари Кејн (Тотенхем), Ромелу Лукаку (Евертон)