Лондон, 23 април 2017 (МИА) – Екипата на Челзи прва успеа да се пласира во финалето на ФА купот откако синоќа во полуфиналниот дуел што се одигра на „Вембли“ го совлада градскиот ривал Тотенхем со 4:2.
Челзи постојано водеше, а Тотенхем во два наврати само успеа да изедначи.
Стрелци на головите за Челзи беа: Вилијан (5 и 43.минута од пенал), Еден Азар (75) и Немања Матиќ (80), додека головите за Тотенхем ги постигнаа: Хари Кејн (18) и Деле Али (52).
Второто полуфинале меѓу Арсенал и Манчестер Сити се игра попладнево со почеток во 16 часот исто така на „Вембли“ во Лондон.
Финалето е закажано за 27.мај.