По инцидентот на мечот во Палермо, ФИФА со санкции кон репрезентациите на Албанија и Италија.
Албанија е казнета 100.000 швајцарски франци од страна на Светската фудбалска федерација (ФИФА) откако нивните навивачи користеа пиротехнички материјали на квалификацискиот меч против Италија минатиот месец, поради што дојде до прекин од 15 минути во Палермо. Италија победи со 2:0, но и тие се казнети со 15.000 швајцарски франци.
Иран доби казна од 50.000 франци поради инцидентот со мечот со Кина, додека Босна и Херцеговина, Полска и Црна Гора беа казнети со по 10.000 франци поради „неспортското однесување на нивните навивачи“.