Фудбалерите на Аталанта останаа непоразени во дуелот против шампионот Јувентус, во воведниот натпревар од 34.коло на италијанската Серија А.
На средбата во Бергамо, екипите на Аталанта и Јувентус одиграа без победник 2-2. Домаќините поведоа во последната минута од првото полувреме (45) со голот на Андреа Конти. Сепак, во вториот дел Јувентус успеа да направи пресврт и тоа со автоголот на Ленардо Спинацола (50) и погодокот на Дани Алвеш (83). Но, домашниот тим не се откажа па со голот на Ремо Фројлер (89).
Со освоениот бод Аталанта останува во трка за петтото место кое носи пласман во Лига Европа следната сезона, додека Јувентус кој е лидер на табелата сега има 9 бодови повеќе од второ пласираната Рома.
Вечерва (20 часот 45 минути) ќе се игра натпреварот Торино – Сампдорија, додека останатите осум натпревари на програмата се утре, а двојките се: Рома – Лацио (од 12:30 часот), Каљари – Пескара, Кротоне – Милан, Емполи – Сасуоло, Џенова – Киево, Палермо – Фиорентина, Болоња – Удинезе (од 15 часот) и Интер – Јувентус (од 20:45 часот).
Табела: Јувентус 84 бодови, Рома 75, Наполи 71, Лацио 64, Аталанта 64, Милан 58, Интер 56, Фиорентина 55,...