Голманот на Челзи, Асмир Беговиќ, објави дека нема да го земе шампионскиот медал затоа што не го заслужува. Челзи ќе добие 40 медали, кои ќе ги раздели на екипата и на стручниот штаб, а Беговиќ иако има само два премиерлигашки натпревара сезонава (против Манчесте јунајтед во април и против Вотфорд во понеделникот), според специјалниот правилник за резервни голмани, треба да добие медал. Сите други кои не одиграле барем пет меча, нема да добијат одличја, а тоа важи за Нејтан Аке, Кенеди и за Ола Ајна.
„Мислам дека треба да се укине правилото за тоа дека мора да имаат одиграно пет меча. Ако си бил дел од екипата во текот на сезоната, многу си жртвувал, си ја одиграл зададената улога, и мора да добиеш награда. Убаво е чувството да се добие медал и благодарен сум за тоа. Сепак, мислам дека мора да се смени правилото со играње на пет средби“, вели Беговиќ.
Легендата Џон Тери има точно пет натпревари и, исто така, ќе биде дел од групата која ќе ги прими медалите на церемонија. Исто така, и Оскар, кој во јануари премина во Кина, меѓутоа во пред да замине таму, одигра девет натпревари.
Рубен Лофтус-Чик ќе биде во истата група, иако одигра само 31 минута. Неговите играчки минути се распределени на шест натпревари.