Напаѓачот на Реал Мадрид, Карим Бензема, уште не се откажал од националниот тим на Франција, иако во моментов неговото место во составот е „замрзнато“ од селекторот Дидие Дешамп поради скандалот со уцена на соиграчот Матју Валбуена пред неколку месеци. Играчот на Реал Мадрид дури доби забрана за играње натпревари на меѓународно ниво, наложена од Француската федерација, но таа беше тргната во октомври.
„Ако тренерот ми каже дека причините што не ме вклучува во тимот се чисто фудбалски, ќе ја прифатам неговата одлука и ќе продолжам да се трудам. Ако има друга причина, тој треба да ја сподели со мене и ќе ѝ ставиме крај на оваа „фарса“. Јас уште чекам објаснување од него и тој го знае тоа многу добро“, изјави Бензема.
„Чувствувам дека многу луѓе во Франција не сакаат да бидам успешен. Ми се чини дека сето ова е една голема манипулација и нема никаква врска со фудбалот“, додаде ексиграчот на Лион.