Лондон, 20 мај 2017 (МИА) - Последното 38. коло во фудбалскиот шампионат на Англија ќе ја разреши и последната дилема, кои два тима ќе им се приклучат на Челзи и Тотенхем во Лигата на шампионите следната сезона.
Во најповолна ситуација е екипата на Манчестер Сити, која е третопласирана со два бода повеќе од Ливерпул, односно три од Арсенал.
„Граѓаните“ ја имаат фаворитската улога на гостувањето кај Ватфорд, а предност на домашниот терен ќе има Ливерпул против веќе „оптишаниот“ Мидлсборо, додека Арсенал за противник ќе го има „незгодниот“ состав на Евертон, кој веќе осигура учество во Лига Европа.
Двојки за последното 38. коло во Премиер лигата:
Свонси - ВБА
Саутемптон - Стоук
Манчестер Јунајтед - Кристал Палас
Ливерпул - Мидлсборо
Лестер – Бурнемут
Хал - Тотенхем
Челзи - Сандерленд
Барнли - Вест Хем
Арсенал – Евертон
Ватфорд – Манчестер Сити
Сите натпревари ќе се играат во терминпот од 16 часот.
Табела: Челзи 90 бодови, Тотенхем 83, Манчестер Сити 75, Ливерпул 73, Арсенал 72, Манчестер Јунајтед 65, Евертон 61,.. Хал 34, Мидлсборо 28 и Сандерленд 24.