Доколку дојде до помирување, тогаш македонскиот фудбалер би можел повторно да го облече виолетовиот дрес.
Спортскиот директор на Марибор Златко Заховиќ индиректно најави дека можно е закопување на несогласувањата со Агим Ибраими, и македонскиот репрезентативец би се вратил во дресот на „виолетовите“.
Се погласни се шпекулациите дека Заховиќ е подготвен да се смири со Ибраими, се разбира доколку и Ибраими се согласи на такво нешто, со што потоа играчот да се врати во средината каде што ги мина своите најдобри денови во кариерата и тим со кој настапуваше во Лигата на шампионите. Токму Марибор се подготвува за настап во квалификациите од европската „елита“ и посакува да направи тим со кој што ќе го повтори успехот од пред неколку години кога тимот играше во групната фаза.