Фудбалерите на Реал Мадрид се обратија до претседателот на клубот Флорентино Перез со молба во претстојниот преоден рок да не го продава голманот Кејлор Навас.
Шпанска „Марка“ пренесува дека поддршка за 30-годишниот голманот стигна и од тренерот на двократниот европски првак Зинедин Зидан.
Претходно и капитенот Серхио Рамос јавно го поддржа Костариканецот.
Навас во 2014 година од Леванте пристигна во Реал. Неговото место е загрозено од Давид де Геа, сегашниот голман на Манчестер Јунајтед за кого голем интерес покажува Перез.