Првиот стрелец на Челзи, Диего Коста откри дека менаџерот на Антонио Конте преку СМС порака му порачал дека нема да смета на него за следната сезона.
- Јас сум играч на Челзи, но таму не ме сакаат. Конте преку порака ми порача дека не сум во неговите планови. Ќе мора да си најдам друг клуб, им изјави Коста на шпанските новинари по натпреварот на Шпанија со Колумбија.
Коста истакнува дека сака да се врати во Атлетико Мадрид, но проблемот е во забраната за трансфери што ја имаат „јорганџиите“.
- Тешко ми е да чекам до зима и да бидам без натпревари пет месеци. Морам да мислам и на Светското првенство, рече 28-годишниот фудбалер.
Очигледно е дека Конте не го заборавил конфликт со Коста во јануари, кога бараше да биде пуштен во Кина. Челзи ја најде замената за Коста во Ромелу Лукаку кој настапува за Евертон.