Кинескиот тим Жиангсу Сунинг дава 5,5 милиони евра за потписот на нашиот најдобар фудбалер.
Горан Пандев викендов треба да стане фудбалер на кинескиот клуб Жиангсу Сунинг. Македонски Спорт дознава дека Пандев викендов заминува на финални преговори со оваа екипа во Италија а трансферот треба да се реализира по иницијатива на легендарниот Фабио Капело кој е на клупата на оваа екипа. Најавите велат дека и лекарските прегледи треба да се случат во Италија но проблем претставува дилемата на Пандев кој се мисли дали да заине на печалба во Кина.
Сепак понудата од 5,5 милиони евра е примамлива па така и нашиот најдобар фудбалер се чини дека нема да одолее на ваквите цифри од истокот. Во екипата на Капело настапуваат екс играчот на Челзи, Рамирез и Алекс Тешеира кој беше дел од Шахтјор.
Пандев раскина со Џенова и сега е слободен играч.