Лионел Меси, ѕвездата на Барселона, тврдеше дека не е точно дека потрошил над 37 илјади евра во ресторанот „Лио Ибица“ на Ибица, заедно со Луис Суарез и Цеск Фабрегас. На социјалните мрежи се појави сметка од 37.300 евра за 41 шишиња шампањско „дом перињон“, 27 пици и за уште неколку други „ситници“, откако Меси беше излезен во ресторанот со Фабрегас, Суарез и со нивните партнерки.
Меси реши да го искоментира случајот преку Инстаграм, тврдејќи дека сумата е „измислена“ и додавајќи дека „најчудното е што луѓето веруваат во вакви глупости“.