Шпанскиот државен обвинител овие денови има полни раце работа. По обвинувањата против Кристијано Роналдо од Реал Мадрид за затајување данок, поднесе исто обвинение и против португалскиот тренер Жозе Мурињо.
Посебниот им должи на властите во Шпанија вкупно 3,3 милиони евра поради неплатен данок од 2011 до 2013 година, додека работеше како тренер на Реал Мадрид. Локалниот обвинител поднесе тужба до локалниот суд, а Португалецот ќе мора да се јави и да даде одговор на овие обвинувања. Според обвинителот, Мурињо должи 1,6 милиони евра за 2011 година, а за 2012 година - 1,7 милиони евра.
Да потсетиме дека пред Мурињо и Роналдо, на листата на обвинети за затајување данок се најдоа Лео Меси, Хавиер Маскерано, Алексис Санчез и Нејмар.