Албанија е во потрага по заменик на Џан Де Бјази кој најави заминување по квалификациите за Мундијалот.
Според информации од Италија, тренерот на Венеција Филипо Инзаги добил понуда од Албанската фудбалска федерација за селектор на националниот тим и тој зел време да размисли околу тоа.
Албанците имаа успех со Италијанецот Де Бјази откако под негово водство првпат заиграа на едно големо натпреварување (ЕП 2016), а сакаат да ја продолжат традицијата и повторно да донесат Италијанец. Филипо имаше одлична сезона со Венеција која ја внесе во Серија Б, а претходно тој го одби прволигашот Сасуоло.