Фудбалерот на Челзи, Диего Коста го информираше раководството на Атлетико дека има голема желба да се врати во Мадрид, пренесува Скај Спорт.
Коста за следната сезона не е во плановите на менаџерот на Челзи Антонио Конте, а евентуално враќање во Атлетико Мадрид ќе значи пауза за него до јануари следната година поради забраната за регистрација што ФИФА им ја воведе на „јорганџиите“.
Шпанскиот голгетер има голема заслуга за освојувањето на титулата на Челзи во Премиер лигата, но конфронтација со Конте во јануари го чинеше останување во Лондон, нешто што италијанскиот експерт му го соопшти преку смс порака.
Доколку двата клуба се договорат за трансферот, тоа ќе значи враќање на Коста во Атлетико по три години. Тој во 2014 година за 40 милиони евра токму од шпанскиот клубот премина во Челзи.