Шкотскиот стручњак Дејвид Мојс не се прослави во Манчестер јунајтед, а покрај лошите резултати немал добар однос и со играчите.
Мојс во 2013 година го напушти Евертон и му се приклучи на Манчестер јунајтед, каде дојде на местото на легендарниот сер Алекс Фергусон. Меѓутоа за него „залакот беше преголем“ и по само неколку месеци беше тргнат од позицијата.
Многумина ќе се сложат дека „црвените ѓаволи“ го имаа еден од најдобрите стоперски тандеми на светот Рио Фердинанд и Немања Видиќ, но се чини дека Мојс не бил задоволен од нив па ги „терал“ двајцата да гледаат видео-снимки од настапите на Фил Јагиелка за да видат како треба да игра еден стопер.
Мојс му беше тренер на Јагиелка во Евертон и за него овој играч е многу подобар од Фердинанд и Видиќ.