Тренерот на Манчестер јунајтед, Жозе Мурињо, го испратил шефот Ед Вудвард на преговарачка мисија со Интер околу трансферот на Иван Перишиќ на „Олд Трафорд“. Португалецот на шега му рекол на Вудвард да не се враќа назад без Хрватот.
Моментално Перишиќ е член на Интер, а неговиот трансфер во Манчестер кружи веќе подолго време. Мурињо сака да го заклучи овој трансфер до 18 јули за потоа да може да размислува за евентуални други засилувања.
Тренерот на Интер, Лучано Спалети, сака да го задржи Перишиќ, но желбата на Хрватот е да премине на „Олд Трафорд“. Двете досегашни понуди на Јунајтед од 40 и од 45 милиони евра биле одбиени. Интер бара 55 милиони евра за својот играч.