Лападула ја засили ЏеноваСвесен за силната конкуренција во новата сезона, Џанлука Лападула одлучи да го напушти Милан и да премине во Џенова, каде што смета дека има поголеми шанси да игра. Дваесет и седумгодишниот фудбалер им се приклучи на „росонерите“ од Пескара минатото лето, а покрај 15-те натпревари во стартниот тим, постигна осум гола и запиша три асистенции. Тој смета дека во Џенова ќе има поголеми шанси да напредува и затоа побара од Милан да го ослободи.
Џенова ќе плати два милиона евра за едногодишно позајмување, со обврска да го откупи неговиот договор идното лето за 11 милиони евра.
Лападула е дете на Јувентус, но никогаш не заигра за овој тим. Играше за Про Верчели, Парма, Чезена, Терамо, словенечка Горица, Пескара и за Милан. Тој беше повикан во репрезентацијата на Италија и постигна хет-трик на пријателскиот меч против Сан Марино, во мај оваа година.
|