Златан Ибрахимовиќ е подготвен да потпише нов договор со Манчестер јунајтед, меѓутоа под еден услов. Швеѓанецот сака двата сина да му тренираат во школата на „црвените ѓаволи“ и сака писмена потврда дека тие ќе продолжат да бидат дел од академијата на клубот дури и кога тој нема да биде дел од Манчестер јунајтед.
Шведскиот ас го напушти Јунајтед откако му истече договорот, а претходно заработи тешка повреда на коленото, која долго го оддалечи од фудбалските терени. Но ја продолжи рехабилитацијата во Манчестер и почна да тренира со екипата. Се очекува 35-годишниот напаѓач да потпише шестмесечен договор во октомври, кога ќе заврши со терапиите. Неговите синови Максимилијан и Винсент играа во иста екипа со синовите на Рајан Гигс и на Ники Бат. Швеѓанецот смета дека Јунајтед е идеалното место за нивни развој на фудбалски план.