Веќе неколку дена на хрватското крајбрежје, има средби помеѓу Јордан Камчев, спонзорот на ФК Пелистер и Здравко Мамиќ, првиот човек на Динамо и најпознатиот фудбалски работник во регионот.
Главна тема на разговорите е фудбалот и можноста Мамиќ да му помогне на Пелистер во желбата клубот да биде на повисоко ниво од тоа што е во моментов. Камчев е во Пелистер веќе втора сезона со тоа што под негова „палка“ екипата избори влез во Првата лига и го освои Купот на Македонија и на првенствената табела заврши на четвртото место.
Мамиќ добро е упатен за приликите во мак-фудбалот и добро знае дека во Пелистер игра Христијан Тошевски, десниот бек кој игра за нашата сениорска репрезентација.
Со текот на времето ќе дознаеме што конкретно е договорено меѓу Камчев и Мамиќ.